ಸುಪ್ತದೀಪ್ತಿ Inner Light: ನಗುವಿನೆಳೆಗಳು

ಇನ್ನಷ್ಟು ಯೋಚನೆಗಳು:

ಬ್ರಹ್ಮತತ್ವ, ಬ್ರಾಹ್ಮಣತ್ವ, ಮತ್ತು ಮಾನವತ್ವ- ಇವುಗಳಿಗೆ ಏನು ಸಂಬಂಧ? ಏನು ವ್ಯತ್ಯಾಸ? ನನ್ನ ಮಟ್ಟಿಗೆ- "ಅರಿವು" ನಿನ್ನೆ ಇಂದಿನದಲ್ಲ, ಇಂದು ನಾಳೆಯದಲ್ಲ, ನಿನ್ನೆ ನಾಳೆಯ ನಡುವೆ- ಇಂದು ಎನ್ನದೇ ಎಲ್ಲ. ಬರಹ (ಬರವಣಿಗೆ) ಭಾವನೆಗಳ ಕನ್ನಡಿ, ಬದುಕು (ನಡವಳಿಕೆ) ಚಿಂತನೆಗಳ ಕನ್ನಡಿ. ಬದುಕು ಅಳುವುದಕ್ಕಾಗಿ ಅಲ್ಲ. ನಗುವನ್ನೂ ಅಳುವನ್ನೂ ಬಗಲಲ್ಲಿರಿಸಿಕೊಂಡು ಸಾಗುವುದಕ್ಕಾಗಿ. ಜಗದ ನಿಯಮಗಳೆಲ್ಲ ಅರ್ಥವಾಗುವುದಿಲ್ಲ. ಹಾಗೆಂದು ಜಗದಲ್ಲಿ ನಿಯಮವೇ ಇಲ್ಲವೆಂದರೆ ಸರಿಯೆ? ಅವರಿವರ ನಡೆ-ನುಡಿಯಲ್ಲಿ ನನ್ನ ಖುಷಿಯ ಸೆಲೆಯಾದರೆ, ಮತ್ತೊಮ್ಮೆ ಯೋಚಿಸಿ ನೋಡಬೇಕಾಗಿದೆ- ನಾನು ಯಾರು? ನನ್ನದೆನುವುದೇನು? ಬೇರೆ ದಾರಿ ಇಲ್ಲ ಅನ್ನುವಾಗೆಲ್ಲ ಒಂದೆರಡು ಹೆಜ್ಜೆ ಹಿಂದೆ ನಿಂತು ನೋಡಿದರೆ ಕವಲುಗಳು ಕಂಡಾವು. ಜ್ಞಾನ-ಅಜ್ಞಾನಗಳ ನಡುವಿನ ಗೆರೆ ಬಹಳ ತೆಳುವಾದದ್ದು. ಸಂಪೂರ್ಣ ಜ್ಞಾನ ಗಮನವೇ ಹೊರತು ವ್ಯಕ್ತಿಗತವಾಗಿ ಗಮ್ಯವಲ್ಲ ಬಾಳಲ್ಲಿ ನಗುವೊಂದೇ ಸಲ್ಲ, ಅಳುವೊಂದೇ ಸಲ್ಲ. ಎರಡನ್ನೂ ಬೆನ್ನಲ್ಲೋ, ಹೆಗಲಲ್ಲೋ, ತಲೆಯಲ್ಲೋ ಏರಿಸಿಕೊಳ್ಳದೆ ಬಗಲಲ್ಲಿರಿಸಿಕೊಂಡು ಸಾಗಿದರೆ ನಡಿಗೆ ಹಗುರವಾಗಬಹುದು. ಮಿಲನವಾಗುವುದೇ ಅಗಲುವುದಕ್ಕಾಗಿ ಅನ್ನುವ ಮಾತನ್ನು ನಂಬಿದರೆ ಅಗಲಿಕೆಯಲ್ಲಿ ನೋವಿರುವುದಿಲ್ಲ. ಸುಖ ಕ್ಷಣಿಕ ಎಂದು ಗೊತ್ತಿದ್ದರೂ, ಅದೇ ಶಾಶ್ವತವೆನ್ನುವಂತೆ, ಅದನ್ನು ಬಯಸದವರಾರು? ದುಃಖ ಕ್ಷಣಿಕ ಎಂದು ಗೊತ್ತಿದ್ದರೂ, ಅದೇ ಶಾಶ್ವತವೆನ್ನುವಂತೆ, ಅದಕ್ಕಾಗಿ ಅಳದವರಾರು? ದೇವ ದೇವಾ, ಎಲ್ಲರಿಗೂ ಒಂದಿಷ್ಟು ಜ್ಞಾನ ಕೊಡಪ್ಪಾ ಒಂದು ಹೆಜ್ಜೆಯಿಟ್ಟು ನಿಂತಾಗ ಇನ್ನೊಂದರ ಗುರಿ ಕಣ್ಣೆದುರಿರಲಿ ಜೀವನ ನದಿಯಂತೆ. ತಿರುವುಗಳು, ಬಂಡೆಗಳು ಇಲ್ಲವಾದಲ್ಲಿ ನದಿಯ ಸಂಗೀತ ಕೇಳಲಾರದು; ಹರಿವಿನಲ್ಲಿ ಸೆಳೆತ ಇರಲಾರದು ದೇವರೇ ಮಾಡಿದ ಸೃಷ್ಟಿಯಲ್ಲಿ ಮೇಲು-ಕೀಳು, ಒಳಗೆ-ಹೊರಗೆ, ನಾವು-ಅವರು ಎಂದೆಲ್ಲ ಭೇದ ಮಾಡುವ ಮಾನವ ದೇವರಿಗಿಂತಲೂ ದೊಡ್ಡವನೆ? ಪ್ರತಿಯೊಂದು ಮೋಡಕ್ಕೂ ಬೆಳ್ಳಿಗೆರೆಯ ಅಂಚಿದೆ; ಮೋಡದ ಮೂಲಕ ನೋಡದೆ, ಅದರ ಸುತ್ತಮುತ್ತ ಅಕ್ಕಪಕ್ಕ ನೋಡಿದರೆ ಮಾತ್ರ ಕಾಣಬಲ್ಲದು ಈ ಸೃಷ್ಟಿಯಲ್ಲಿ ಎಲ್ಲದಕ್ಕೂ ಒಂದು ಉದ್ದೇಶ ಇದ್ದೇ ಇರುತ್ತದೆ. ಅದೇನೆಂದು ನಮಗೆ ತಿಳಿದಿರುವುದಿಲ್ಲ, ಅಷ್ಟೇ. ಮರ್ತ್ಯಕ್ಕೂ ಅಮರ್ತ್ಯಕ್ಕೂ ಒಂದೇ ಅಕ್ಷರದ ವ್ಯತ್ಯಾಸ, ಬರವಣಿಗೆಯಲ್ಲಿ ಮಾತ್ರ! ಸಾಧಿಸುವಲ್ಲಿ? ಜನ್ಮ ಜನ್ಮಾಂತರದ ವ್ಯತ್ಯಾಸ. ಬಣ್ಣ ತುಂಬಿದ ಕುಂಚದಿಂದ ಭಿತ್ತಿಯ ಮೇಲೆಳೆದ ರೇಖೆಯಂತೆ ಮಾನವ ಜೀವನ. ಒಮ್ಮೆ ಎಳೆದ ರೇಖೆಯನ್ನು ಮತ್ತೆ ಎಳೆಯಲಾಗದು, ತಿರುಗಿ ಬಣ್ಣ ಕಟ್ಟಲಾಗದು. ಪ್ರಕೃತಿಯ ಅಗಾಧತೆಯೆದುರು ಕುಬ್ಜರಾಗದ ಮನುಜರು ಅಹಂಕಾರದ ಮೇರುವಿನಲ್ಲಿರುವ ಕ್ಷುದ್ರರೇ ಸರಿ. ಪೂರ್ವನಿಯಾಮಿತವಾದ ಈ ಜಗತ್ತಿನಲ್ಲಿ ನನ್ನದು-ನಿನ್ನದು-ಅವರದು ಎಂಬ ಪದಗಳಿಗೇನರ್ಥ? ಆದರೂ ಇರುವಷ್ಟು ದಿನ "ನಮ್ಮತನ"ಕ್ಕಾಗಿ ಹೋರಾಡುತ್ತೇವಲ್ಲ; ಅದೇ ಬದುಕು. ಹುಟ್ಟಿಬಂದ, ಹೊತ್ತುಕೊಂಡ ಸಂಬಂಧಗಳನ್ನು ಬದಲಾಯಿಸಲಾಗದು, ಬದಲಾಯಿಸಬಾರದು. ನಮ್ಮ ನೋಟ-ನಡತೆಗಳನ್ನು ಸಂಸ್ಕರಿಸಿಕೊಳ್ಳಬಹುದಲ್ಲ! ಆ ನಂತರ ಕಟ್ಟಿಕೊಳ್ಳುವ ಸಂಬಂಧಗಳು ಇನ್ನೂ ಹೆಚ್ಚು ಅರ್ಥಪೂರ್ಣವಾದಾವು. ನಮ್ಮರಿವಿನೊಳಗಿರುವುದಷ್ಟೇ ಸರಿ ಎನ್ನುವುದು ಎಷ್ಟು ಸರಿಯಾದ ವಾದ? ದೇವರ ಹೆಸರಲ್ಲಿ ನಡೆಯುತ್ತಿರುವ ಅಕ್ರಮ ಅನ್ಯಾಯಗಳನ್ನು ಯಾರು ತಡೆಯಬಲ್ಲರು? ಹೇಗೆ? ಕಾಲಾಂತರದಲ್ಲಿರುವ ಕಾರಣಾಂತರಗಳ ಅಶ್ವತ್ಥದ ಸುತ್ತ ನಮ್ಮ ಇರವಿನ ಗೂಢದ ಹುತ್ತ. ಹುತ್ತದೊಳಗಿನ ಜೀವ- ಹುಡಿಮಾಡುವ ಗೆದ್ದಲೇ? ಅದನುಣ್ಣುವ ಸರ್ಪವೆ? ಅರಿತವರೇ ಗೆಲ್ಲುವರು. ನಮ್ಮ ಸುತ್ತಲಿನವರನ್ನು ನಮ್ಮ ಪ್ರೀತಿಯ ಸಾಲಗಾರರನ್ನಾಗಿಸೋಣ. ಬದಲಾವಣೆ- ಯಾವುದೇ ರೀತಿಯದ್ದಾಗಿರಲಿ- ನೋವಿನಿಂದ ಕೂಡಿರುತ್ತದೆ. ಬದಲಾವಣೆಯ ಫಲವನ್ನನುಭವಿಸಲು ಈ ನೋವನ್ನು ಸಹಸಲೇಬೇಕು. ಸಂಸಾರ ಸಂಬಂಧಗಳ ನಾಜೂಕುತನದ ಅರಿವಾಗುವುದು ಅಲ್ಲಲ್ಲಿ ಬಿರುಕು ಬಿಡುವ ಪರಿಸ್ಥಿತಿ ಬಂದಾಗಲೇ. ಆಮೇಲೇನು? ತೇಪೆ ತೇಪೆಯೇ! ಹೆದರಿದವರ ಮೇಲೆಯೇ ಹಗ್ಗ ಎಸೆಯುವುದು ದೇವರ ಕಾರ್ಯವಿಧಾನ; ಗಟ್ಟಿಯಾಗಿ ಎನ್ನುವುದೇ ಸಂದೇಶವೇನ? ಇಟ್ಟ ಹೆಜ್ಜೆ, ಇಡುವ ಹೆಜ್ಜೆ, ಎರಡರ ಎಚ್ಚರವಿದ್ದಲ್ಲಿ ದಾರಿ ಸುಲಲಿತ, ಗುರಿ ಖಚಿತ ಪರಿಪೂರ್ಣತೆಯೆಂದರೆ ಮುಕ್ತಾಯ; ಹಾದಿಯ ಕೊನೆ.

What we want from the world is always within us too. Any relationship is a balancing act. Life is not about what we don't have. It is about what we have and how we handle it. Life is a miracle. If you don't agree with this, spend a few minutes with a new born in your arms. Being a friend in need is not a dream job, not a timed job, not a salaried job. But it is the most satisfying job Life is a boat in an unknown river. You have the paddle, but you don't have control over the flow of the river. Everything in this world, in this universe has a purpose; its just that we don't know it yet. Any 'change' is painful.